رَبِّ اِنِّیۡ لِمَاۤ اَنۡزَلۡتَ اِلَیَّ مِنۡ خَیۡرٍ فَقِیۡرٌ

پایا ہے خود کو کبھی ہوا میں معلق ؟ تھکا ہوا وجود اور بھاری دل۔۔۔۔ پیچھے دشمن اور آگے بے آب و گیاں صحرا۔۔۔۔۔ کہتے ہیں ایک دعا کیا ہے جو زندگی بدل دے۔؟ جو بوجھ ہٹا دے۔ اس انسان کا – جس کا دل آٹا ہو خواہشات کے انبار سے پھر ڈھونڈتا پھرتا ہو کوئی جاۓ پناہ ۔۔۔۔۔یا ہو جائے کوئی خطاء اور راستہ اندھیر لگے یا وہ جس کے ہاتھ خالی ہوں اور جیبیں پھٹی ہوئی کہ جو نیکی کرلے تو اسے سنبھالنے کی سکت نہ ہو۔۔۔۔۔۔ اس شخص کی دعا تو “ربی ربی” ہے۔۔۔۔۔”اے میرے رب۔۔۔ اے میرے رب”۔۔۔۔ کی سدا۔۔۔۔ جیسے سدا لگائی تھی زکریا ءليه سلام نے۔۔۔نداء خفيا… اور پکارا تھ

۔ لَمْ اَكُنْۢ بِدُعَآىٕكَ رَبِّ شَقِیًّا(4) (مریم)
اے میرے رب میں تجھے پکار کر کبھی نامراد نہ رہا"

کہا گیا لیا لکھوں وہ ایک دعا جس نے مجھے بدلا ہو۔۔۔۔۔ جس سے میرے دل کا اندھیرا دور ہوا ہو۔۔۔۔ کہنا چاہتی ہوں کہ میری دعا بھی تو ربی ربی کی سدا ہے۔۔۔۔ میں تو لڑکھڑاتی ہوں

اللهم اهدنا صراط المستقیم

کی سدا لگاتی ہوں کہ تھام لی جاؤں۔۔۔۔۔ ہر بار کسی کلام کسی امتحان سے پہلے ……رب شرح لی صدری .ویسرلی امری۔۔۔کا ورد کرتی ہوں۔۔۔ رب انی مغلوب فانتصر سے رب إنى لما انزلت الی من خیر فقیر تک اور رب إنی لما انزلت الى من خیر فقیر سے انما اشکو بثی و حزنی الی الله۔۔۔۔۔ تک ہر طرف ایک ہی تو ذات ہے۔۔۔ واحد۔۔۔ لاشریک۔۔۔ الوهاب۔۔۔ جس کی طرف دوڑتا ہے ہر دوڑنے والا۔۔۔۔جسے ڈھونڈتا ہے ہر ڈھونڈنے والا۔۔۔۔ جو مل جاتا ہے ہر متلاشی ، ہر ہاتھ پھیلانے والے فقیر کو ہر ۔۔۔۔۔۔اس فقیر کو جو خود کو ایک اسی ایک کے در کے لیے خالص کرلے۔۔۔۔۔ جو اعلان کر دے کہ میری ہر لو تیرے در سے لگی ہے ۔۔۔۔ اپنا ہر غم میں تجھ سے کہتا ہوں ۔۔۔۔ اپنی حاجت تیرے سامنے رکھتا ہوں ۔ جو خیر تو مجھے دے دے میں تو اسی کا ضرورت مند ہوں۔۔۔۔۔۔

اے غنی و حمید ذات !!! آسمان سے نازل ہونے والی ہر خیر, ہر بھلائی ,رزق , محبتیں ، خوشیاں، ہدایت، نور جو کچھ بھی تیرے در سے ملے میں تو اسی کے لیے فقیر ہوں ۔ میرے ہاتھ خالی ہیں اور جھولی میں صرف وہ ہے جس چیز سے تو نے میری جھولی کو بھرا ہے ۔۔۔ میرا دل بے نور ہے ، صرف وہ نور جس میں تو نے مجھے حصہ دیا۔۔۔۔

انسان تو ہے ہی بے بس کمزور عاجز۔۔۔۔

يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ ۖ وَاللَّهُ هُوَ الْغَنِيُّ الْحَمِيدُ (فاطر)
"اے لوگو! تم اللہ کے محتاج ہو اور اللہ بےنیاز خوبیوں واﻻ ہے

میری ہدایت کا ، جینے مرنے کا، دکھ خوشی، دیکھنے سننے کا۔۔۔ ہر انعام کر نوازش تیری طرف سے ہی تو ہے۔ جو تو دے دے دے میں اس کی قدردان ہوں اپنی وقعت اور وسعت اور بساط کی حد تک اعلان کرتی ہوں جو تو مجھے دے دے میں تو اس کے لیےفقیر ہی تو ہوں ۔۔۔جو تو میرے لیے نازل کر دے میں تو اسکی کے لیے تیرے حضور جھولی پھیلاۓ بیٹھی ہوں ۔۔۔

رَبِّ اِنِّیۡ لِمَاۤ اَنۡزَلۡتَ اِلَیَّ مِنۡ خَیۡرٍ فَقِیۡرٌ ﴿۲۴